Iha loron tersa feira, 09 fulan juñu tinan 2026, Sr GAT no Professór (Téknologia Multi Média) ESTVP No. 1 de Lospalos, hamutuk ho Sr/a GAT sira husi ESTVP hotu iha teritóriu nasional – Autoridade Administrasaun Ataúru inklui kada Professór (Téknologia Multi Média) tuir Workshop Nasionál iha Salaun Ian Martin INFORDEPE, Balide, Díli.
Workshop ne’e iha importánsia hodi dezenvolve prosesu aprendijazen, liu husi hafoun vizaun, fahe koñesimentu no hametin abilidade jestaun. Tema workshop: “Inovasaun no Dijitalizasaun ba Servisu Edukasaun nian liuhosi Komunikasaun ne’ebé Efikáz no Efisiente”.
Oradora ba Worshop ne’e maka Dra. Mirsa Umiyati S.S M.Hum, iha okaziaun refere partisipante sira halao teste online, entre teste sira ne’e utiliza “google formuláriu”. Google formuláriu possibilita atu foti dadus, halo teste, halo avaliasaun, etc., seluk husi feramenta google formuláriu, partisipante sira koñese mos konaba ferramenta “google drive” ne’ebé permite hodi rai dokumentu hanesan matéria eskolar.
Hafoin koñese ferramenta hirak ne’e, partisipante sira pratika oinsa atu uza no kria google drive ho google formuláriu, finaliza ho jera Quick Response code (QR code), nune’e bainhira hatudu kamera telfone ba QR code diresiona instantaneu ba teste ka matéria eskolar. Estudante sira sei bele halao teste, traballu no asesu ba matéria hirak ne’ebé Manorin sira disponibiliza iha google formuláriu no google drive, liu husi Internet.
Hakerek nain: JPD ESTVP No. 1 de Lospalos
Leave a Reply