JPD-ESTV Nu. 1 Lospalos, 21 Maio 2026 – Mundo ohin loron adapta ona ho era teknologia, tanba ne’e presisa proteje labarik husi risku online.
Augusto Jefriano da Costa, Offisial Protesaun ba Labarik husi CSSI Munisipiu Lautem bainhira halo aprezentasaun konaba materia swipe safe ba ,manorin nain sira iha Salaun Teknologia Multimedia ESG NKS Lospalos, Kinta (21/05) semana ne’e hateten materia ida ne’e importante tebes atu sensibiliza ba entidades hotu hotu, nune’e bele hasa’e konmhesementu ema hotu nian konaba oinsa proteje labarik sira husi plataforma online.
“Mundo ohin loron nakonu ho teknologia ne’ebe mais avansadu entaun presisa ita hotu nia atensaun liu-liu ba labarik oinsa bele salva ita nia oan sira atu labele sai vitima ba teknologia rasik, tanba ne’e maka liu husi programa swipe safe ne’ebe servisu hamutuk entre MSSI-CSSI-ML ho Chilfund hodi fahe informasaun hirak ne’e ba entidades hotu iha Lautem”. Tenik Augusto.
Nia hatutan atu proteje labarik sira husi risku online presija halo ‘setingan’ ka ‘pengaturan’ ba aplikasaun iha telefone android atu nune’e ita nia oan sira asesu ba plataforma hirak ne’e bele iha limitasaun, tamba utiliza plataforma online hanesan Tiktok, facebook, Instagram hirak ne’e bele fo’o impaktu negative ba labarik sira.
Entretanto programa swipe safe sei kontinua sosializa ba komunidade sira ne’ebe maka identifika ona husi parte CSSI-ML no Childfund.
Hakerek Nain : JPD_ESTVP Nu1 de Lospalos
Editor : Formador SECOMS
Leave a Reply