Estudante ida husi Eskola Sekundariu Teknika Vokasional Numeiro I Lospalos tuir hela ijame prova Aptidaun Profesional (PAP), Tersa-feira (09/09/2025).
Lospalos, 09 Setembru 2025 – Estudante nain hitunulo resin ne’en (76) husi Eskola Sekundariu Teknika Vokasional Numeiro I Lospalos tuir ijame prova Aptidaun Profesional (PAP) durante semana ida, hahu Segunda (08/09/2025) semana ne’e.
Ba Jornal Parede Dijital Eskola Sekundariu Teknika Vokasional Numeiro I Lospalos, Sefi Komisaun Organizadora ba PAP 2025, Ricardo Queiros actual Sefi Departementu ba Curso de Eletricidade hateten Eskola ESTV Nu. 1 Lospalos tinan – tinan sempre halao teste ka ijame PAP ba alunus sira antes halao ijame nasional.
“Estudante sira iha Terseiru Ano, bainhira sira atu akaba estudo ou molok atu tuir Exame Nasional, estudante sira husi kada departamento ne’ebe ejiste iha ESTV nu.1 Lospalaos tenke tuir ejame PAP ou apresenta estudante sira nia obra rasik, Pur-ejemplu alunos sira husi departamente de eletricidade tenke hatudu ka aprejenta obra ruma sobre Instalasaun Eletricidade”. Tenik Sefi Departemento ne’e.
Nia mos haktuir Departamentu Eletrisidade tinan ida nee fahe ba grupu lima maka hanesan Grupu 1 ; foti titulu PAP konaba “Beel Timer Switch Instalation”. Grupu 2 ; foti titulu PAP konaba “Instalasaun Solar Panel”. Grupu 3 ; foti titulu PAP konaba “Automatic Transfer Switch Instalation”. Grupu 4 ; foti titulu PAP konaba “Hidro Eletrico” no Grupo 5 ; foti titulu PAP konaba “30 Watt Solar Panel Street Ligth”.
Sefi Departementu ne’e mos informa iha Departamentu Mecanica Automovel fahe ba Grupo 9. Maka hanesan Grupo 1 ; konaba “Sistema Starter Eletrica Motor Supra X 125”. Grupu 2 ; konaba “Prototype Stater Motor KLX”. Grupo 3 ; konaba “Prototype Lampu sen, lampu principal no lampu travão motor Vicson Old”. Grupu 4 ; konaba “Sistema de Distribuisaun Combustivel (Carburador e Ar Motor Jupiter MX)”. Grupu 5 ; konaba “Sistema de Ignisaun do motor Revo Absolut 125”, Grupo 6 ; konaba “Sistema de Distribuisaun Combustivel (Carburador e Ar Motor Honda Win)”. Grupo 7 ; konaba Instalasaun Lampu Principal, lampu sen, lampu Rem, Klakson Motor Jupiter 125 (Protetype)’, Grupo 8 ; konaba “Sistema de Travagem Motor Beat Street”. Grupo 9 ; konaba “Sistema de distribuisaun Combustivel Injecsaun Motor Honda Beat 2019”.
Aliende ne’e iha mos Departamentu Konstrusaun Sivil ejiste mos grupu hitu maka hanesan Grupo 1 ; konaba “Monta Estaka ba Uma ho medida 9m x 9m”. Grupu 2 ; konaba “Fundasaun Kontinua ba Uma ho medida 8m x 7m”. Grupu 3; konaba “Intalasaun be’e no kanalizasaun ba jardim ho distancia metru sianulo”. Grupu 4 ; konaba “Kaixelu Janela ba Uma ho medida 120cm x 40 cm”. Grupu 5 ; konaba “Monta Parede ba Quartu 4m x 4m”. Grupu 6 ; konaba “Monta Tetu ba Sala Visita no Quarto ho medida 4m x 4m / Plafon”. Grupu 7 ; konaba “Betaun Armadu ba koluna uma ho medida 8m x 6m”.
Sefi Departementu ba Curso de Eletricidade hateten Eskola ESTV Nu. 1 Lospalos hatutan Departamento tolu ne’ebe ejiste daudaun iha escola ESTV ne;e maka hanesan Departamento Eletricidade, Departamento Mecanica Automovel no Departamento Construcao Sivil.
“Kuando Estudante ruma la passa iha Exame PAP ida ne’e, nia bele tuir Ejame Nacional maibe nia sei Reprovado tamba valor PAP seidauk iha maibe nia sei iha oportonidade atu bele hadia ninia PAP no halao fali Ejame PAP iha tinan oin“ katak Ricardo.
Sefi Komisaun Organizadora ba PAP 2025, Ricardo Queiros esplika prosesu ijame PAP ne’e, estudante ida-idak sei aprezenta ninia obra rasik durante menutu haatnulu resin lima nia laran no sei hetan perguntas husi ekipa juri ne’ebe kompostu husi ema nain tolu.
Nia hatutan tuir regulamentu konaba ijame PAP nian ne’ebe iha fo’o sai katak alunos sira tenke passa hotu modulares espesifiku nian husi premeiru ano to’o Terseiru ano, aliende ne’e estudante sira mos halao sira nia estajiu ho durasaun tempu horas atus lima iha fatin ka instituisaun sira ne’ebe maka Eskola koloka sira ba.
Entertantu Sefi Komisaun Organizadora ne’e mos relata katak estudante terseiru ano ne’ebe tuir ejame PAP maiyoria mane no husi departamentu eletricidade hamutuk nain 29, departamento Mecanica Automovel hamutuk nain 26 no departementu Konstrusaun Sivil hamutuk nain 21.
Sefi Departementu ne’e mos realsa katak realizasaun PAP ba estudante sira ne’e hetan mos partisipasaun husi inan – aman husi estudante rasik nune’e bele hatene no rona dereita resultadu husi ekipa juri iha ijame refere
Ijame PAP ne’ebe halao ba estudante ESTV Nu. 1 Lospalos ne’e sei halao durante loron ne’en nia laran hahu husi loron Segunda (08/09/2025) no sei remata iha loron Sabado (13/9/2025) semana ne’e.
Hakerek Nain : Adão Branco
Editor : Formador -JPD SECOMS
